Sjónvarp Símans

Í Sjónvarp Símans appinu getur þú notað Sjónvarp Símans Premium, horft á dagskrá sjónvarpsstöðva, notað Tímaflakk, séð kvikmyndir, barnaefni, sjónvarpsþætti og horft á Frelsi sjónvarpsstöðvanna. Ekki er hægt að leigja efni beint úr tækjum með tvOS stýrikerfi en hægt er að spila efni sem nú þegar er í leigu í gegnum Sjónvarp Símans og auk þess er hægt að horfa á allt efni sem er á 0 kr. í Sjónvarpi Símans.

Til að nota appið þarft þú að vera með áskrift að Sjónvarpi Símans. Hægt er að para appið með pörunarkóða úr myndlykli, eða nota innskráningu með rafrænum skilríkjum til að tengja við núverandi sjónvarpsáskrift. Hægt er að skrá allt að fimm snjalltæki á hverja sjónvarpsáskrift en aðeins eitt tæki getur spilað í einu.

Appið er hægt að nota á öllum internettengingum innanlands, WiFi, 3G og 4G. Ef horft er á efni yfir farsímakerfi (3G eða 4G) nýtir það innifalið gagnamagn á sama hátt og aðrar veitur sem bjóða upp á áhorf í snjalltækjum.