有拖冇欠

一班朋友去旅行或者搞活動，你又出錢我又出錢，之後要計返夾錢數有排煩？有『有拖冇欠』就唔使再操心！呢個應用程式有以下特點：
- 為每次旅行/活動建立虛擬帳簿，裏面記錄每項交易細節，一目了然
- 利用Google Gemini AI，透過收據影像或語音快速生成交易記錄，唔使再慢慢打字咁麻煩
- 有份參與嘅朋友可以共用網上帳簿，各自紀錄交易，分工合作，亦可以控制每個朋友嘅存取權限
- 去到山旮旯上唔到網？唔緊要！帳簿可以事前下載落自己手機繼續入資料，之後上返網再上載
- 支援世界上超過160種貨幣，網上自動搜尋最新匯率，亦可以為每項交易自定匯率
- 帳簿裏面每項交易可以用唔同貨幣，程式會自動轉換做結算貨幣
- 每項交易可以多過一個朋友畀錢，每個人可以畀唔同金額，甚至唔同貨幣
- 金額攤分方法可以按比例、百分比或者指明實際金額，每項交易有自己獨立攤分方法
- 朋友之間可以自定攤分比例或金額，你分多啲我分少啲，完全冇問題
- 自動計算整本帳簿嘅最簡單還錢程序，用最少步驟做到冇拖冇欠
- 幫你產生埋『轉數快』QR碼，朋友要還錢畀你？叫佢掃吓你個手機螢幕或者傳送個QR碼畀佢就搞掂（只限港幣、人民幣結算）
- 統計每日洗費、每人攤分金額、交通住宿飲食等等洗費比例，仲有圖表睇（只限升級版）
- 統計數據同帳簿資料可以匯出Excel檔案（只限升級版）
- 免費版只限開三本帳簿，升級版帳簿數量不限
- 真正香港人編寫，全廣東話（或英文）介面語言，亦有標準/暗黑介面