SAY.BY

Мова побач!

Шукай бліжэйшае месца, дзе можаш не проста пад’есці, заправіць аўто, набыць падарункі, адпачыць і прыемна прабавіць з сябрамі час, але і абавязкова пачуць беларускую мову.

Праца дадатку не абмяжоўваецца простым геалакацыйным паказам бліжэйшых да Вас месцаў. З яго дапамогай можна абраць патрэбную катэгорыю паслуг ці тавараў, каб прагледзець поўны спіс адпаведных прадпрыемстваў і даведацца пра адрасы, гадзіны працы, нумары тэлефонаў, а таксама пракласці найбольш зручны маршрут да кропкі прызначэння.
Напрыклад, да бліжэйшай аўтазапраўкі з падтрымкай беларускай мовы.

Дадатак змяшчае міні-размоўнікі з беларускімі словамі і выразамі для многіх сфер абслугоўвання, якія дапамогуць кліенту павітацца, правільна зрабіць замову, падзякаваць за добра выкананую працу ці проста падтрымаць размову па-беларуску.

Складзены варыянты міні-размоўнікаў і для супрацоўнікаў прадпрыемстваў, якія шануюць, але пакуль робяць толькі першыя крокі для пераходу на беларускамоўнае абслугоўванне сваіх кліентаў.