eProcurement Albania

Mirësevini në aplikacionin telefonik (mobile) të Agjencisë së Prokurimit Publik!


Ky aplikacion është një platformë e hapur dhe miqësore për të gjithë përdoruesit — operatorët ekonomikë që dëshirojnë të marrin pjesë në procedurat e prokurimit publik, autoritetet kontraktore që administrojnë këto procedura, si edhe për vizitorët që kërkojnë të informohen mbi zhvillimet dhe rregulloret në këtë fushë.

Qëllimi i aplikacionit është të ofrojë një qasje të drejtpërdrejtë, transparente dhe efikase në botën e prokurimit publik. Ai u mundëson të gjithë përdoruesve të kenë akses në informacionin e nevojshëm në kohë reale për procedurat që zhvillohen dhe të përfshihen aktivisht në proces.

Përmes tij mund të konsultoheni me legjislacionin në fuqi, aktet nënligjore, Vendimet e Këshillit të Ministrave dhe udhëzimet përkatëse, duke garantuar një pasqyrë të plotë dhe të përditësuar të kuadrit ligjor.

Gjithashtu, përmes këtij aplikacioni operatorët ekonomikë kanë mundësinë të paraqesin ofertat e tyre për procedurat e prokurimit me vlerë të vogël — një proces i thjeshtuar dhe i aksesueshëm që lehtëson pjesëmarrjen në prokurimet e përditshme.

Ju urojmë punë të mbarë,
Agjencia e Prokurimti Publik.