Korrika (App Ofiziala)

KORRIKA Euskal Herri osoan zehar egiten den euskararen aldeko ekimen erraldoia da. Euskararen aldeko kontzientzia suspertzea eta euskaltegien eguneroko lana indartzeko dirua biltzea ditu helburu.
Aplikazio honen bidez, KORRIKArekin lotutako albiste garrantzitsuenen berri izango duzu. Gainera, jakinarazpenak jasoko dituzu, une oro informatuta egoteko.
Ibilbidea mapa gainean kontsultatu ahal izango duzu, KORRIKA igaroko den tokietako informazioa ikusi eta eramailea nor izango den jakin ahal izango duzu. Horrez gain, lasterketan zehar, "zuzenean" atalean lekukoa zehazki non dagoen jakingo duzu.
Gainera, Korrika Laguntzailea bazara, zure arlo pribatuan sartu ahal izango zara, eta bertan zozketei eta lortutako sariei buruzko informazioa aurkituko duzu. Begiratu saridunetako bat zaren!