Malo

What is it about?

Өдөр бүр гурван хүүхэд алга болж, 10 хүүхэд тутмын дөрөв нь ямар нэг байдлаар хүчирхийлэлд өртөж буй нийгэмд өдгөө бид амьдарч байна. Гэр бүл, сургууль, цаашлаад бүх л нийгмийн орчин нь хүүхдэд ээлтэй болж амжаагүй манай орны хувьд хүүхэд хамгааллын асуудал бол дэндүү гэмээр хурц, эмзэг сэдэв. Ялангуяа ажилладаг ээж аавуудын хувьд хүүхдийнхээ аюулгүй байдлыг хангана гэдэг нь тун ч хүнд даалгавар болдог бөгөөд нөгөө талаар гэр бүлд хандсан энэ чиглэлийн соёл, зохицуулалт бидэнд тун бага байдаг нь харамсалтай. Тэгвэл уг асуудлыг тань хөнгөвчилж чадах технологийн шийдлүүд гарч эхэлсний нэг нь хүүхдийн аюулгүй байдлыг хангах “МАЛО” апп юм. “МАЛО” аппаар дамжуулан эцэг эхчүүд хүүхдийнхээ хаана байгаа мэдээллийг шууд авч болохоос гадна хүүхдийн аюулгүйн тойргийг газрын зураг дээр тэмдэглэж, тэмдэглэсэн хэсгээс гарсан тохиолдолд тусгай мэдэгдэл авах юм. Түүнчлэн хүүхэд ямар нэг халдлага, бэрхшээлтэй учирч, улмаар тусламж хүсэн аппд хандсан тохиолдолд түүнд зөвхөн эцэг эхээс нь гадна хамгийн ойр байрлах хүүхэд хамгааллын сайн дурын ажилтнууд туслах боломжтойгоороо онцлог. Хүүхдийн аюулгүй байдлыг хамгийн хялбар, хурдан шийдлээр хангахын сацуу хүүхдийн төлөөх сайн дурын нийгмийн хүрээллийг бий болгож буй уг апп ирээдүйд олон хүүхдийг болзошгүй эрсдэлээс хамгаалах нь эргэлзээгүй.