nana - aplikacion për nënat

Aksioni për Nëna dhe Fëmijë është fondacion humanitar, jo-profitabil, jo-qeveritar, jo-sektarë, që zhvillon programe shëndetësore në Klinikën Gjinekologjike/Obstetrike (që kujdesen për nënat), Repartin Intenziv të Kujdesit Neonatologjik (që kujdesen për foshnjat e lindura para kohe) dhe Klinikën e Pediatrisë (që kujdesen për fëmijët të cilët vuajnë nga Leukemia, sëmundjet e zemrës, astma dhe sëmundje të tjera).

AMCH beson se çdo fëmijë dhe nënë gëzon të drejtën për jetë të shëndoshë, pavarësisht se ku është apo mjetet që i kanë. Qëllimi kryesor është të shpëtojnë jetën e fëmijëve dhe të përmirësojmë kujdesin shëndetësor për nënat në Republikën e Kosovës, e cila ka shkallën më të lartë të mortalitetit në Ballkan, e pothuajse edhe në Evropë.

Duke pasur këtë parasysh është zhvilluar aplikacioni që shërben për informim dhe për shumë pjesë të rëndësishme për nënat dhe fëmijët. Aplikacioni ofron të rejat më të fundit sesi të kujdeset nëna gjatë shtatëzanisë, si të kujdeset për fëmijën menjëherë pas lindje, të bëjë kalkulimin e kontraksioenve, të shikojë kalendarin e ovulacioneve, etj.

Aplikacioni veçohet me:

Këndin e informatave / lajmeve
Kalendarin me evente
Kategorinë e veçantë për fotografim të procesit të shtatëzanisë
Kalendarin për ovulacione
Kalkulatorin për kontraksione

Aplikacioni është zhvilluar si donacion nga Appsix në mbështetje të misionit humanitar të Organizatës Aksioni për Nëna dhe Fëmijë.