Smart Mobility Marín

Coa App Smart Mobility de Marín poderás consultar en tempo real o nivel de ocupación das zonas de estacionamento público gratuito, con indicación xeográfica das bolsas de apacadoiro que existen en todo o casco urbano, coñecendo a súa localización e saturación en cada momento.

Ademais, poderás coñecer como está a ZONA 2H da Avenida de Ourense, un tramo de estacionamento no que podes deixar o coche gratuitamente durante dúas horas para facer recados, xestións, consumir no local…

A app funciona aplicando a tecnoloxía Big Data a través dun despregue de cámaras que unicamente rexistran os datos de ocupación, o que permite dar esa información en tempo real aos usuarios da mesma e que, máis a medio prazo, permitirá detectar tendencias para poder tomar decisións en materia de mobilidade sostible con obxectividade e rigor.

A súa aplicación en Marín forma parte da EDUSI Marín, unha estratexia de desenvolvemento urbano sostible cofinanciada nun 80% polo Fondo Europeo de Desenvolvemento Rexional da Unión Europea.